Dal álgá Sámi Rádio raporteren Sámediggeválggaid birra

Duorastaga lea Sámi álbmotbeaivi, ja mii lea buoret ráhkkaneapmi go álggahit Sámi Rádio raporterema Sámediggeválggaid birra, mat leat miessemánu 18. b. Mii álgit válgadigaštallamiin Ruoŧa Radio Play appas ja neahtas njuolga Johkamohkis ihttin, guovvamánu 5. beaivvi. Dán čállá Sámeradio kanálahoavda Thomas Sarri.

1993 rájes lea Sámi álbmotbeaivi ávvuduvvon guovvamánu 6. beaivvi. Beaivi lea namuhuvvon danin go vuosttaš sámi riikačoahkkin dollojuvvui guovvamánu 6. b. 1917 Tråantes. Čoahkkimis ledje čoahkkanan badjel čuođi sápmelačča Ruoŧas ja Norggas, ja lei vuosttaš gearddi Sámi historjjás go davvi- ja oarjánsápmelaččat Norggas ja Ruoŧas čoahkkanedje digaštallat oktasaš áššiid ja hástalusaid.

Sámi demokráhtalaš stivrejumi hálddaša Sámediggi 1993 rájes. Sámediggi lea sihke álbmotválljejuvvon parlameanta ja stáhta hálddahusorgána. Ráđđehus dat nammada jođiheami eiseválddiide Ruoŧas muhto Sámedikkis lea ollesčoahkkin mii nammada stivrra, mii de nammada čállingoddehoavda eiseváldái.

Juohke njealját jagi leat Sámediggeválggat, ja miessemánu 18. b. dán jagi sámi álbmot vállje lahtuid ođđa Sámediggái. Dát lea dieđusge dehálaš dáhpáhus midjiide Sámeradios dieđihit ja lágidit digaštallamiid dan várás. Mis lea viiddes válgaraporteren vai addit buot jienasteddjiide vejolašvuođa gullat politihkkáriid oainnuid ja plánaid. Dán mii dahkat máŋggaid plánejuvvon digaštallamiid ja jearahallamiid bokte njunuš áirasiiguin, muhto midjiide lea maid dehálaš oažžut ovdan buot sámiid jienaid min sáddagiin. Stuorit publihkii lea dat maid buorre vejolašvuohta oahppat eambbo sápmelaččaid birra ja oažžut čiekŋalet gova sámiin ja Sámis go stereotyhpat mat muđui leat riikamediain.

Mii áigot dal giđa mielde mátkkoštit miehtá Ruoŧa ja deaivvadit sámiiguin gullan dihte makkár áššiid sii iežat háliidit ovddidit. Áigut maiddái čiekŋudit daid áššiid maid digaštallet válgagižžus. Fáttát maid eanemusat digaštallet leat sámi vuoigatvuođat bivdui, guolásteapmái ja boazodollui ja vel jienastanvuoigatvuohta ja identitehta, ja sámi gielat ja iešmearrideapmi.

Válggat leat dieđusge dehálaččat Sámerádioi go lea kanála mas lea stuorimus fálaldat Ruoŧa áidna álgoálbmogii. Mii vuordit válgagižžui sihke gelddolašvuođain ja duođalašvuođain. Sámerádio doaimmahus čuovvu válgagičču álggus iežamet digaštallamiiguin guovvamánu 5. b. dassážiigo válgabohtosat almmuhuvvojit Julevus miessemánu 27. b..

Jos don leat guldaleaddjin ja dus leat gažaldagat dahje oaivilat min raporterema birra, de váldde oktavuođa midjiide dáppe här.

Thomas Sarri
Kanálahoavda, Sámi Rádios

Loga eambbo Sámedikki birra dás

Dás oainnát buot sáddenáiggiid Sámediggeválggaid birra