O Shvedisko Radio del but plattformi pe diskussiji thaj reflektacia kana avel kaj amari journalistika. Thaj so maj but manush te kamen te vorbin amentsa trobuj vi jek ucho takto thaj jek lasho tono, ferik ke vi te inkras ame kaj o temato thaj te inkras kadal premissura. Anda kodo si ame regulura pe amare kommentarura kaj savore musaj te inkren.

1. Ame chi mukhas te aven nasul kommentaurura karing manush Ame las thele kommentarura kaj si andre:

• xenofobia karing minoritetura sar exemplo, etnicni thaj religiosni minoritetura, HBTQ-manush vaj manush kaj si le diferetni formi anda fysicno vaj psykicno nasvalipe
• diferetni variaciji kana avel kaj rasismo thaj xenofobia
• negativni vorbi karing diferetni titulura manushenge
• darajimata karing manush
• personalni attackura karing manush.

2. Ame shaj lasa thele kommentarura kaj si off topic
(Chi inkren pe kaj o temato)

Le kommentarura site inkren pe kaj o temato thaj pa kodo so si o artiklo vaj o pushipe kaj si pushlo katar e redakcia.

3. Ame chi mukhas publikacia anavengi kaj djal karing amare vlasni publicisticni decisiji.

Te si ke o resposibilno publikatori las e decisija tena publisisaras o anav pe jek pindjardo, accusovano vaj convictovano manush si te inkherdzol kado principo vi ande kommentarura.

4. Ame chi mukhas te aven spekulaciji thaj na chachi informacia.

Ame las thele kommentarura kaj si andre hohajimata, plotki, spekulaciji thaj manipulovani fotografiji/videura, tena naj kade ke si centralni ande diskussija thaj ke viraznie sikhadzol ke kado si pa manipulovano contento.

5. Sikhav katar lan chiri informacia.

Te kheras e diskussija te avel sar maj hasnosho thaj konstruktivno kamas ame informacia thaj kodo so si phendo te avel kusa fakta thaj informacia katar kodi informacia avel vaj källor. Te si ke phenes fakta thaj chi biris te phenes katar avel kodi informacia shaj avla thele lino chiro kommentaro. Ame vi chi mukhas te ulaves linkura kaj naj phangle kaj o temato.

6. Naj slobodo te kheres kampanjura thaj spam.

Absolutnie slobodoj te phenes chiro politicno gindo, ferik ke naj slobodo te kheres reklama vaj kampanj pe kommersialni produktura vaj evenemangura, vaj kana avel kaj partiengi politika. Ame chi mukhas chi spam, vaj kommentarura kaj aven pa sa kodo jek butivar, vi te si kado pa linkura, kommentaurura, emojis, fotografiji vaj videura.

7. Ame chi mukhas kommentarura kaj djan karing manushengo humaniteto.

Naj slobodo te skiris kommentarura pa varesavo individualno manush vaj gruppa, ande amari rapportacia vaj mashkar amare kommentarura, sar exemplo ke varekon chi trobujas te trajij, naj les/ la varto, ke si jek chorripe, vaj gunuj.

8. O Shvedisko Radio musajij te inkrel o BBS-zakono.

E funktia pe kommentarura si inkherdo thaj pherdal dikhlo pala zakono pa responsibilita pe elektronicni bulletinura (BBS-zakono). Kodo kaj kherel jek posto kaj djal karing kadal zakonura shaj avla personalnie responsibilno anda kado. O BBS-zakono znachij ke o Shvedisko Radio musajij te len thele postura kaj si andre:

• Te manges manushen te khere vareso karing o zakoni vaj uppvigling
• xenofobia karing etnicni gruppi
• shavorengi pornografia
• illegalno depikacia pa violencia
• Aktura kaj djan karing copyright
• llegalni darajimata
• illegalni aktura karing integriteto thaj officialno mangipe vaj offentlig uppmaning ando zakono 3 § lagen (2010:299) pa strafura pa offentlig uppmaning, rekrytacia thaj edukacia kana avel kaj terroristicni kriminalitetura thaj kaver zuralo kriminaliteto.

9. Te djasa za dur shaj kherasa tut block.

Te si ke tu majdur djas za dur kana avel kaj unji anda amare reguli pe kommentaurura vi te si ke lan varningo amendar butivar shaj kherasa tut block tena biris te skiris kommentarura pe amare kontora thaj plattformi ande socialni mediji.

10. De andre sensitivno informacia thaj tipsura kaj o Radioleaks. Gindon tena hasnis le kommentarura te des andre sensitivno informacia vaj tipsura. De andre kado kaj o Radioleaks.

De tut gindo sar vorbis/vakeres/des duma - but manush ginavena chiro kommentaro.
Te si ke varekon kherel violiteto/romuj/vaj kherel chorri enviromentia atunchi si e redakciaki buchi thaj responsibiliteto tena mukhen pe kado. Zumav te aves sar maj virazno thaj de tut gindo ke shaj avel majbut sar jek enterpretacia pe jek posto.

Av sar maj konkretno kana des kritika. Ame zurales kamas te shunas tumaro feedback thaj tumari kritika kana avel kaj e Shvedoski Radioski journalistika - ferik ke inker tu kaj konkretni falura thaj exemplura atunchi avla e diskussija maj lashi thaj ame shaj kheras jek maj lashi buchi.

Te dikhesa vareso kaj tu achares ke djal karing kadal regulura, hasnin atunchi e plattformaki funktia te des opre vaj anmälningsfunktion vaj e PM-funktia. 

Atunchi tu djutis ame te kheras le kommentarura jek lasho than pe jek konstruktivno diskussija.
Generalni gindura kaj kames te ulaves amentsa vaj pushimata shaj kheren kado ando Lyssnarservice: 08-784 84 84, lyssnarservice@sverigesradio.se, Shvedisko Radio po Facebook thaj pe amaro supportosko forumo ando Kundo.
Kadi funktia pe kommentaurura si inkherdi katar o Sveriges Radio AB, 105 10 Stockholm, organisaciako numero 556419-3232.

Ansvarig utgivare: Josef el Mahdi